वाचाल तर वाचाल

वाचलच पाहिजे!
वाचन दिनानिमित्त कविता🚩🚩
तुकडोजींची "ग्रामगीता”
तुकोबाची "गाथा”
व.पु.च्या कथा
अन्  श्रीकुष्णाची "भगवद् गीता"
      वाचलीच पाहिजे!

पुरंदरेचा 'छत्रपती'
विश्वास पाटलांची 'झाडाझडती'
खांडेकरांची 'ययाती'
आणि गणपतीची आरती
      वाचलीच पाहिजे!

कुसुमाग्रजांचं "कौंतेय"
देसाईचं "राधेय"
सावंताच "मुत्युंजय"
वाचलच पाहिजे!

पु.ल.ची 'अपूर्वाई'
विनोबांची 'गिताई' आणि
'श्यामची आई' वाचलीच पाहिजे!

हिंदूचे वेदपुराण
मुस्लिमांचे कुराण
प्रेमचंदाचं गोदान
आणि आपलं..पसायदान
वाचलच पाहिजे !

भोसल्यांचा जागरं
कदमाचं गोंडर
मोरेंचा सावरकर
आणि धनंजय कीरचा आंबेडकर
 वाचलाच पाहिजे!

अत्रेंचे विनोद
गडकरींची नाटकं
मानेंची उपरा आणि
आण्णाभाऊंची फकिरा
   वाचलीच पाहिजेत!

गांधींचे प्रयोग
विवेकानंदांचे योग
बहिणाबाईंची गाणी
इंद्रजित भालेरावचं पिकपाणी
    वाचलच पाहिजे!